تورتة شيكولاتة مغلفة بكريمة الزبدة. ميك اب حواء

make up ,ميكاج,ميك اب .موضة ,العناية بالشعر ,العناية بالبشرة ,

المقادير للكيكة:



4 كوب دقيق

1 ونص كوب سكر

كوب ماء دافي

معلقه محسن

8 بيض

ربع كوب زيت

فانيليا

معلقه بكنج باودر



بس انا شلت من الدقيق 6 معالق كبيرة وحطيت بدالهم كاكاو خام







الطريقة:



نضرب المقادير السايله مع بعض الاول لمدة 5 دقايق وبعدين نحط الدقيق ونضرب 5 دقايق تانيين ونصبها في صينيتين مقاس متوسط او صينيه مقاس 26 ونحطها في فرن متوسط الحراره 180درجه وبتاخد 45 دقيقه



كريمة الزبدة



المقادير:



1 كوب زبدة بدرجة حرارة الغرفة - 3/4 كوب كاكاو نوع كويس - فانيليا

2ونص كوب سكر بودرة جاهز - نص كوب لبن - معلقة عسل ابيض



الطريقة:



نضرب الزبدة مع السكر البودرة لحد ما يبقوا كريمي



وبعدين نضيف اللبن والكاكاو..



ونكون مجهزين الكريم شانتية والشربات الخفيف ونبدأ التزيين



نحط اول طبقة ونسقيها شربات وبعدين نحط الكريم شانتية كمية كويسة..



وبعدين نفس الحاجة مع الطبقة التانية..



واخيرا نحط اخر طبقة ونساوي الجناب علشان نبدأ نغلفها بكريمة الزبدة..





نغلف التورتة بكريمة الزبدة ا..





نحاول نساوي الشكل العام وننضف ..





نبدأ نزين كل وحدة وزوقها والميزة ان كريمة الزبدة بتدي اشكال جميلة وثابتة..





وبعدين بالسكينة المشرشرة عملت الجناب ..



وبعدين مليت الوش صوص شيكولاتة



طريقة صوص الشيكولاتة:



كوباية سكر + كوباية ميه حطيتهم على النار وبعدين حطيت عليهم كوب ونص نسكويك وقلبت لحد ما داب كله واخيرا معلقتين عسل ابيض ومعلقتين زبدة اول ما يدوبوا اطفي ولما يبرد بستخدمه

تورتة شيكولاتة مغلفة بكريمة الزبدة.

حب الشباب .اكسسوارات,الموضة ,ازياء ,اناقة,منوعات حواء ,ميكب عرائس